影片
更多
2024-07-09
1781 浏览
周日下午茶时段，一心谂住试下附近的Chef's Kitchen，点知店细客多，店员话至少30分钟后先有位，身边有老人家，等唔到咁耐，最后转场嚟喜煌。呢间点心店之前已想试，但早茶1000先开始，夹唔啱时间。今次趁下午茶时段就试试。店舖有2层，以港铁做装修设计的主题，几适合打卡，游客应该觉得几有特色，几有趣。电子落单，点心选择算多，尤其牛肉，因为舖头标明系牛肉世家，所以牛肉点心特多。菜心：味道正常，但好细碟 虎皮尖椒：几好食，虎皮椒少辣，配豉油相当惹味；酿鱼肉好厚身；一碟6件，份量足虾饺：好似系$38，虾饺好细粒，有一只仲爆开咗，觉得唔系好得鳯爪排骨饭：呢款蛊饭系老人家上茶楼必食；睇落去唔错，算大蛊，仲系原数蛊蒸饭；之不过，个砂煲仔崩咗一大忽，竟然都唔换走佢，食具已经出现咁大范围的破损，仲照用，烂咗果个位已经界手，如果老人家唔小心食嘢时整亲，舖头于心何忍？而家写写下，我都有啲嬲嬲地黑金流沙包：真系唔好食！之前喺点心到食过呢款点心，觉得好食，谂住度度反正都唔系现做，品质应该差唔多，但呢度个包真系争太远；馅好少，奶黄只颜色暗淡，令人冇乜食欲；包唔系热辣辣，饀亦唔流心，令人失望沙爹牛肉包：唔知好
呢间点心店之前已想试，但早茶1000先开始，夹唔啱时间。今次趁下午茶时段就试试。
店舖有2层，以港铁做装修设计的主题，几适合打卡，游客应该觉得几有特色，几有趣。
电子落单，点心选择算多，尤其牛肉，因为舖头标明系牛肉世家，所以牛肉点心特多。
菜心：味道正常，但好细碟
虎皮尖椒：几好食，虎皮椒少辣，配豉油相当惹味；酿鱼肉好厚身；一碟6件，份量足
虾饺：好似系$38，虾饺好细粒，有一只仲爆开咗，觉得唔系好得
鳯爪排骨饭：呢款蛊饭系老人家上茶楼必食；睇落去唔错，算大蛊，仲系原数蛊蒸饭；之不过，个砂煲仔崩咗一大忽，竟然都唔换走佢，食具已经出现咁大范围的破损，仲照用，烂咗果个位已经界手，如果老人家唔小心食嘢时整亲，舖头于心何忍？而家写写下，我都有啲嬲嬲地
黑金流沙包：真系唔好食！之前喺点心到食过呢款点心，觉得好食，谂住度度反正都唔系现做，品质应该差唔多，但呢度个包真系争太远；馅好少，奶黄只颜色暗淡，令人冇乜食欲；包唔系热辣辣，饀亦唔流心，令人失望
沙爹牛肉包：唔知好唔好食，但如果话系牛肉世家，吹嘘成分应该比较高，因为老人家同狗狗爸爸食完冇赞叹；会唔会系舖头自己卖花赞花香？
茶：喺呢啲地方饮茶，唔会有太多要求同期望，不过，呢度的茶壶唔大，店员应该间唔时嚟加下水，但可能我哋被安排坐阁楼，基本上冇店员长驻招呼；啲水系滚烫，好难先摊冻杯茶嚟饮
如果嚟呢度打卡，都唔系唔ok，不过，我会谂，呢度咁近旺角港铁站，倒不如直接入地铁站打卡好过啦。店舖的点心水准低，服务唔太贴心（因为冇人），食具、食物又崩又烂，讲真，系几冇heart既。。。除咗喺环境装修上花过心思，其他方面太就真系得过且过。我唔会推荐呢度，除非大家好想喺伪•港铁影几张相🙈
张贴
