ZENTRO (已結業)

聽說這餐廳最出名係備長炭燒， 於是今日就帶媽咪嚟試佢地馳名嘅馬友🐟一夜干， 果然真係好好味😋😋😋，魚好鮮味，燒過後面脆內軟。喜歡一夜干嘅原因係佢有淡淡嘅鹹鮮香味，送酒一流呢👍，應該開番支Sake🍶囉！另外當然唔少得我至愛嘅厚切牛舌同黑豚肉啦， 佢配埋老闆自家制嘅辣椒粉更加惹味香口呀！而一直都是肉食系嘅就點左炭燒黑安格斯肉眼扒，同樣是用備長炭炭燒，肉質保持鮮嫩兼好Juicy, 仲帶有淡淡炭燒香味，配上沙律、薯條，份量剛剛好。午餐餐附上餐湯及沙律，都是認真製作的， 雖然我唔好所以讓左俾媽咪食😁。