影片
更多
2024-03-08
103 浏览
💡备长炭炉端烧居酒屋最近发现有间由前米芝莲餐厅日藉师傅主理既居酒屋，位于湾仔利东街附近，平时都好少会经过利东街，路经时见到挂满红灯笼，同埋好大既金龙装饰，值得黎睇下，睇完就准备好愉快既心情食间高质居酒屋。居酒屋最大特色就系有炉端烧，店里既海鲜会围住咁插系备长炭附近烧，同埋由于系开放式厨房，食客可以见到师傅点样去用炭火煮食，好有特色。🍽️半打铁盒烧港岛生蚝加配拉克莱特芝士🧀选用左尺寸较大既广岛生蚝，放入铁盒精心烹煮，呢种烹调方法极大咁保留左生蚝的鲜美海洋风味同埋滑嫩质地。咁完美既生蚝上再加上热熔既拉克莱特芝士，呢一个搭配不单止增加左风味层次，还赋予左生蚝一种浓郁而香脆既口感。同埋店入面更附上柠檬汁、辣汁、芫荽配蚝食，真系多重配搭口味。🍽️鰯鱼伴明太子 🐠鰯鱼就系我地平时叫开既沙甸鱼，用左炉端烧同埋备长炭去烧既鱼就系零舍不同凡响，外皮烧得香口，入面鲜嫩多汁，附上洋葱丝一起食，口感又有不同既变化，又试下加明太子一起食，明太子咸香再加鰯鱼又系不错既食法。🍽️山芋明太子铁板烧铁板上既山芋展现到软滑质地，令到风味更加出色，再搭配上明太子，增添左细腻既咸辣味道。淮山的自然甜味同埋明太子的咸香完美融合，加入
最近发现有间由前米芝莲餐厅日藉师傅主理既居酒屋，位于湾仔利东街附近，平时都好少会经过利东街，路经时见到挂满红灯笼，同埋好大既金龙装饰，值得黎睇下，睇完就准备好愉快既心情食间高质居酒屋。居酒屋最大特色就系有炉端烧，店里既海鲜会围住咁插系备长炭附近烧，同埋由于系开放式厨房，食客可以见到师傅点样去用炭火煮食，好有特色。
🍽️半打铁盒烧港岛生蚝加配拉克莱特芝士🧀
选用左尺寸较大既广岛生蚝，放入铁盒精心烹煮，呢种烹调方法极大咁保留左生蚝的鲜美海洋风味同埋滑嫩质地。咁完美既生蚝上再加上热熔既拉克莱特芝士，呢一个搭配不单止增加左风味层次，还赋予左生蚝一种浓郁而香脆既口感。同埋店入面更附上柠檬汁、辣汁、芫荽配蚝食，真系多重配搭口味。
🍽️鰯鱼伴明太子 🐠
鰯鱼就系我地平时叫开既沙甸鱼，用左炉端烧同埋备长炭去烧既鱼就系零舍不同凡响，外皮烧得香口，入面鲜嫩多汁，附上洋葱丝一起食，口感又有不同既变化，又试下加明太子一起食，明太子咸香再加鰯鱼又系不错既食法。
🍽️山芋明太子铁板烧
铁板上既山芋展现到软滑质地，令到风味更加出色，再搭配上明太子，增添左细腻既咸辣味道。淮山的自然甜味同埋明太子的咸香完美融合，加入烟熏过的章鱼粒大大咁增加左层次感。
🍽️姜葱醋鲭鱼卷 🍽️寿司五贯🐟
酸姜完全激活起我既味蕾，酸味恰到好处，成个口感清新爽口，增强左鲭鱼的鲜美，呈现出一种特别既食用体验。寿司五贯由师傅拣左时令新鲜海鲜，五件都好鲜甜无得弹。
🍽️自家制法式栗子蛋糕🍰
呢款栗子蛋糕可以话系惊喜之作，店铺特制设备可以将栗子加工成细丝状，然后巧妙地铺满系雪糕上面，十分精致打卡一流，而味道分面都好出色，甜美既栗子风味搭配雪糕同松软既饼底，为我带黎多重口感，感觉非常满足。
张贴
