ZENTRO (已結業)

正呀，老板放工请饮嘢？同事拣咗呢度，Zentro 以前喺IFC，我都去过两次，𠮶阵只有薯片食，依家多咗好多，强调以备长炭烤的食物，行到餐厅尾就见到炭烧吧，有两位师傅坐阵，饮啤酒最好就系配烧烤食物，食多两件又会饮多杯，识做生意。始终是酒吧，嘢食冇大餐牌，就只有企牌，不过午餐可以食到八点，你食个快晚餐都可以。听人讲呢几款好，咪就跟住点，厚烧牛舌，鸡胸软骨，都系心机烧物。牛肉半熟啱啱好，肉质软得来有咬口，配杯红酒超夹。招牌备长炭马友一夜干的确烧得出色，见个样就知道得，鱼皮如薄脆，有少少焦香，口感好好，易啲肉又保持嫩，无话烧到干晒。全部食物都好啱配酒，价钱都好合理，环境方面，可以拣坐近开阳的平台大窗的，又可以拣气氛好近酒吧的。