人和月雞煲火鍋店 (已結業)

而家晚市禁堂食，收工想食鸡煲都只能够外卖。但系呢间餐厅真系抵到不得了，因为装备齐全之余仲要再七五折。一个二人餐都系$400有找。我话佢设备齐全系因为我估唔到佢连炉都有埋，仲有超大张枱布，真系你拎住呢个鸡煲去野餐都冇问题。而且酱汁方面佢真系好似你堂食咁样比齐晒所有酱料你，真系同堂食冇分别。佢个鸡煲会跟咗一大碗鸡汁同埋鸡汤，而且佢嘅份量仲会多过你平时堂食添，绝对唔使担心唔够汁。以佢啲鸡就切得比较细粒，可能因为咁，所以旧旧都比较入味，而且啲计到啱啱好，唔会太老。配料我哋就拣咗韭菜饺同墨鱼丸，佢啲韭菜饺都几香。而家啲墨鱼丸都真系好大粒好弹牙，喺台湾𠮶种墨鱼丸。配菜仲拣咗芋丝同埋莴笋，仲有一大盒油麦菜，佢嘅份量真系比我想像中多好多，其实真系够三至四个人食。肉类就拣咗日本黑豚五花肉，佢应该系五花腩嚟嘅，所以会系有啲肥膏，但系食落其实唔会太腻。仲有只日本黑豚肉，佢呢只就比较瘦啲，但系都好林。嘢饮方便我就拣咗玫瑰茉莉同埋桂花乌龙，佢嘅冷泡茶都系无糖嘅，但系好香花香味。成个餐真系好抵食，绝对可以再encore。