女人街食飯公司

营业中

休息中

带位𠮶阵已经讲咗要几点交位，落单𠮶阵又提，每次加单都提，感觉好似催我哋走咁。离交枱时间仲有20分钟，有个伙计行埋嚟就问我哋要唔要打包，问到老人家唔耐烦，佢就好恶咁样讲咗一句问你使唔使打包啊？搞到好冇瘾。讲返最重要嘅食物，一入到去叫咗黄金鲜鱿同咕噜肉。黄金鲜鱿唔好食，出面个炸皮同入边𠮶旧鲜鱿一啲都唔夹，食咗一旧就唔系好想再食。咕噜肉好普通。之后叫咗胡椒猪肚汤，味道亦都系好普通，杏汁味太重，又见到评语话啲菜唔系好热，食落就觉得个汤都好够热，冷气吹住嘅时候饮都几舒服。之后叫咗几个小食，包括咖喱水鱿，麻辣牛柏叶，鸡丝粉皮同埋椒盐鸡翼尖。味道都系好普通，鸡丝粉皮嘅粉皮太厚，上面嘅鸡丝都唔太好食。椒盐鸡翼尖冇乜椒盐味，食得唔过瘾。见啲评语话服务态度好差，公道讲句，大部份伙计都好好人，好肯帮手，叫加单同加嘢饮都好快手，系最尾被𠮶位伙计催到唔系好耐烦。建议订位𠮶阵提埋客人有时间限制，咁大家有晒心理准备唔使咁劳气。总括嚟讲，嘢食味道普通，员工态度有改善空间，试过一次未必会再试。