影片
更多
2018-04-05
3653 浏览
三个食肉兽去开大餐，傲尝就最啱！众所皆知，傲尝食海鲜大碟抵食，虽然环境似大牌档，但系厕所干净过荣哥𠮶到先呀！点解坊间成日会流传呢到麻麻，何解？🧐今次有我、饿狼同虎咽三只食肉兽book咗个海鲜餐，食肉食到饱都系 $1,050，抵！但系讲到好唔好食就要听两位厨房大佬品评一吓啦！先讲个马蹄胡椒猪肚汤，汤滚料足，猪肚出味，猪骨出髓，加埋几粒正气白果敛肺益气，甜心马蹄更系清热消滞，汤腻而不肥。点解美中不足？胡椒不够味之故也！胡椒够好汤则能驱寒祛湿暖胃，胡椒不够好就比其他汤料盖过。品评呢煲肉汤就有80分，但系马蹄胡椒猪肚汤就只得65分。讲完个汤讲椒盐豆腐鲜鱿，呢道菜只系想问二句，鲜鱿飞水后有冇用毛巾整到干晒先加盐？椒盐系预先炒好，放低左一段时间先然后再落镬同鲜鱿一齐炒？唔明就系屋企炒一次你就知道分别。跟著就系讲鲍鱼，做个厨房都知，鲍鱼本身味淡，x洲急冻鲍鱼味更淡。想佢香，要用酒，想有味，要煮汁。如果两样都唔爱剩系用绿色牙膏加豉油，唔该饱鱼切片加够冻(要见冰粒围碟)，入口先会甘甜(要用靓wasabi，鲍鱼唔靓用芥辣)，最重要系唔好跟住椒盐菜肴后面，因为会特显清淡冇味。一系放佢做头盘，盛下够消暑，一你
今次有我、饿狼同虎咽三只食肉兽book咗个海鲜餐，食肉食到饱都系 $1,050，抵！但系讲到好唔好食就要听两位厨房大佬品评一吓啦！先讲个马蹄胡椒猪肚汤，汤滚料足，猪肚出味，猪骨出髓，加埋几粒正气白果敛肺益气，甜心马蹄更系清热消滞，汤腻而不肥。点解美中不足？胡椒不够味之故也！胡椒够好汤则能驱寒祛湿暖胃，胡椒不够好就比其他汤料盖过。品评呢煲肉汤就有80分，但系马蹄胡椒猪肚汤就只得65分。
讲完个汤讲椒盐豆腐鲜鱿，呢道菜只系想问二句，鲜鱿飞水后有冇用毛巾整到干晒先加盐？椒盐系预先炒好，放低左一段时间先然后再落镬同鲜鱿一齐炒？唔明就系屋企炒一次你就知道分别。
跟著就系讲鲍鱼，做个厨房都知，鲍鱼本身味淡，x洲急冻鲍鱼味更淡。想佢香，要用酒，想有味，要煮汁。如果两样都唔爱剩系用绿色牙膏加豉油，唔该饱鱼切片加够冻(要见冰粒围碟)，入口先会甘甜(要用靓wasabi，鲍鱼唔靓用芥辣)，最重要系唔好跟住椒盐菜肴后面，因为会特显清淡冇味。一系放佢做头盘，盛下够消暑，一你简单D姜䓤豉油蒸做菜放系贵妃蚌前面，鲍鱼面记得介几下，又有鲍鱼又有贵妃蚌，另食客对跟著D菜肴有无比遐想。
讲吓豉油王大花虾，虾鲜有膏壳够脆，鼓油甜小小就画龙㸃晶啦！
马上就到贵妃蚌加粉丝，呢味同样新鲜又大只，去沙工夫够，粉丝亦够干身，本来想比90分，但系D蒜容好似超市罐装蒜蓉就扣哂分啦！
快快上碟清蒸海鱼，讲真，三条友食私房菜只系$1050，Menu仲加埋条石班仔，真系冇边一间做到。但系条鱼好似浸个水，浸鱼系会滑D，But...... 冇晒鱼鲜味呀！
讲咗鱼同虾，冇理由冇蟹。避风塘炒蟹除咗蟹要新鲜，仲要讲齐三样嘢：香，辣，惹味。呢碟蟹够鲜，份量足，香味不足因为蒜蓉似超市𠮶D，辣味刚好因有落红椒，惹味欠奉因为豆豉唔多够，可惜！
最后系碟青菜，no comment.
睇完 comment大家就明白，如果好肚饿又好想食海鲜呢到真系首选，但系你唔系太肚饿又好想食好好食嘅海鲜呢到我三甲不入，讲完！
张贴
