中華滙館 (已結業)

慕名而去中华汇馆，去到坐低叫嘢食，开始发觉间餐厅唔够冷气，越食越热，叫侍应开大啲个冷气，原来在我哋身边其中1架冷气坏咗，其他已经开到16度，跟住最开头我同侍应讲想要杯冰，跟住侍应同我讲唔好意思如果要冰系需要钱嘅，咁我就同佢讲你叫经理过嚟我同佢讲，佢真系帮手去叫经理，但系等咗10分钟都未见人，我忍唔住出去直接揾佢，我见佢喺度揿电话，跟住我问佢你知唔知我就投诉喺度等紧你，佢同我讲佢做紧嘢做完嘢就会过嚟我张枱。在我立场如果佢讲紧电话客人订枱，无办法，但系如果系揿电话的话，系唔系应该顾及在场客人嘅投诉为先。佢嘅态度从来都冇觉得佢有问题，跟住我同佢讲完个投诉之后，佢只系问我需唔需要比两杯冰水我，我同佢讲现在唔需要啦因为我已经埋单走啦。在临走出门口，我同佢讲我从未试过去一间高级餐厅，有咁劣质嘅服务，当我同佢讲嘅时候佢都唔望住我，完全冇礼貌，目中无人，跟住佢嘅解释系因为佢又做紧嘢㖞，可能呢位陈经理只系招呼熟客，我哋啲散客就唔需要招呼，我奉劝这间高级餐厅嘅老板，如果想生意好唔该换左呢个陈经理，除非佢系股东，如果佢真系股东都叫佢唔好出铺面啦，完全系赶客，顺带一提佢而家做紧七五折，有咩用，唔使钱都唔会再嚟