影片
更多
2024-11-19
0 浏览
呢一间系意式餐厅，位于湾仔和昌大押，布置上用咗传奇女星Sophia Loren作为设计主题，所以墙上面都会挂咗Sophia Loren嘅挂画，用深蓝色嚟做主调，亦都有露台位置可以坐🔸鳕鱼椰菜花沙律 $228呢一款系传统菜式，将盐渍鳕鱼同橄榄、水瓜榴、柠檬去搭配整成一款沙律，第一啖食落去会系橄榄、柠檬等等清新嘅感觉，然后鳕鱼本身自带既咸味就会渗出嚟，但系其实经过煮咗之后佢嘅咸味已经低咗，鳕鱼本身嘅质感系烟烟韧韧，连埋其他配料食口感丰富，味道几特别🔸杂锦拿玻里酥炸米球配炖牛肉 $198底下有啲薯蓉垫底，上面放咗一个炸米球，炸得好脆，入边包住炖牛肉，牛肉味浓郁，配埋炸米球嘅脆身，口感同味道唔错🔸索伦托薯仔丸子配蕃茄汁及巴马臣芝士 $188呢一款系意大利经典传统美食，其实就系用薯蓉做成丸子再配番茄酱，食落去个口感有啲似韩式年糕，但系未到𠮶一种烟烟韧韧，呢一款丸子系有小烟韧，食到薯仔味，配咗蕃茄汁同芝士，味道浓郁，食落去好饱肚🔸蒜香鳀鱼意大利粉 $208呢一碟意大利粉好Creamy，酱汁系用咗蒜蓉、芫荽、鳀鱼加埋牛油，然后将意大利粉放埋落去拌匀，意粉挂晒汁，有好香嘅蒜蓉、牛油、鳀鱼味，另外呢一碟
🔸鳕鱼椰菜花沙律 $228
呢一款系传统菜式，将盐渍鳕鱼同橄榄、水瓜榴、柠檬去搭配整成一款沙律，第一啖食落去会系橄榄、柠檬等等清新嘅感觉，然后鳕鱼本身自带既咸味就会渗出嚟，但系其实经过煮咗之后佢嘅咸味已经低咗，鳕鱼本身嘅质感系烟烟韧韧，连埋其他配料食口感丰富，味道几特别
🔸杂锦拿玻里酥炸米球配炖牛肉 $198
底下有啲薯蓉垫底，上面放咗一个炸米球，炸得好脆，入边包住炖牛肉，牛肉味浓郁，配埋炸米球嘅脆身，口感同味道唔错
🔸索伦托薯仔丸子配蕃茄汁及巴马臣芝士 $188
呢一款系意大利经典传统美食，其实就系用薯蓉做成丸子再配番茄酱，食落去个口感有啲似韩式年糕，但系未到𠮶一种烟烟韧韧，呢一款丸子系有小烟韧，食到薯仔味，配咗蕃茄汁同芝士，味道浓郁，食落去好饱肚
🔸蒜香鳀鱼意大利粉 $208
呢一碟意大利粉好Creamy，酱汁系用咗蒜蓉、芫荽、鳀鱼加埋牛油，然后将意大利粉放埋落去拌匀，意粉挂晒汁，有好香嘅蒜蓉、牛油、鳀鱼味，另外呢一碟意粉有几片鳀鱼可以直接食，建议拌埋意粉食会好啲，因为就咁食鳀鱼嘅咸味会偏重
🔸烤八爪鱼配灯笼椒酱及意大利青瓜 $288
呢一碟味道好有惊喜，首先系烤得好香炭烧味，无论系八爪鱼或者意大利青瓜，都食到好香炭烧味，八爪鱼好够大只，所以佢切一片片切到好厚身，就会更加有口感，意大利青瓜烧得够晒淋，灯笼椒酱个味道好出，拌落去八爪鱼或者意大利青瓜都会食得好开胃
🔸香煎白鳕鱼配芦笋及蕃茄橄榄莎莎酱 $298
白鳕鱼面头煎到金黄色，外皮食到好脆，保留到鱼嘅嫩滑同鲜味，芦笋煮得好够爽，莎莎酱系酸酸地，食落就会冇咁漏
🔸意大利芝士蛋糕 $98
少有见到依个摆盘嘅Tiramisu，好似一件艺术品咁，咖啡雪糕好浓郁咖啡味，cream做得好幼滑，有一片细细嘅啫喱，另外仲有一个好吸咖啡味嘅海绵蛋糕，好惊喜嘅一个甜品
张贴
