食棧

营业中

休息中

佢哋嘅炭烧烧味近排被D杂志捧到上天。自己大半年前叫过外卖，味道普通之极，不知何解会受人吹捧，可能小弟唔识欣赏la...昨夜响家中睇饮食男女，又睇到对佢哋嘅介绍。心谂都系时候俾多次机会佢，睇吓系唔系咁巴闭...今次堂食，开壶普洱，叫碗火肉鸭饭，跟住等食...一端上枱，大皱眉头--- 鸭皮色水暗哑，肉虽然系背脊肉，但瘦到成条柴咁，咬一口，好似食紧隔夜油条；烧肉仲离晒谱，甩皮甩骨，肥膏占全嚿肉四份之三。五花腩不嬲系小弟嘅心头好，但都觉得心惊胆跳:"使唔使肥得咁夸张?"...肥都唔紧要，但食落口真系觉得油淋淋....恐怖...一口吃下"仅有"嘅皮，确系脆到晕，但就唔系芝蔴皮，欠缺应有嘅质感，绝对唔系小弟杯茶...完全吃唔到炭烧味...唔通我条脷有问题?莫讲话水准完全跟太子永合隆及中环龙记差不知几班，连街边求其揾间烧味舖我都觉得好过佢哋...三十三大洋? 老实讲，我宁愿"掉"落咸水海...