銀杏冰室

营业中

休息中

一向好喜欢银杏馆嘅理念，既然新开，就去支持下。侍应们系公公婆婆，好热情，会问你好唔好食呀？下次再嚟吖！好敬业乐业。不过有个后生d嘅经理(?)就几燥底 。香酥鸡锤 $5有惊喜！好食过连锁式快餐店㖞！炸得好靓，味道亦不错。酱焖香菇 $5传统用蚝油炖煮，冬菇够淋身，入味嘅。豉油皇炒面 $10系比巿面上嘅少咗韭菜同芽菜。但炒得算干身唔油。芝麻饱 $2个面铺满芝麻，好香。至少个饱唔似隔夜。鱼蓉烧卖 $4算好食，有少少蒜香味。虾米肠粉 $8蒸嘅，枱面有酱可自行调味。蕃薯粥 $5好大碗，虽然佢唔系将d蕃薯煮溶晒果种，但蕃薯好咬口，好甜。整体食物系少油少盐少糖，无味精，清清淡淡几健康。坦白讲，当然唔可以话好好食，但一定唔会系难食，呢个价钱咁质素系超晒班。何况，食银杏馆系食份情怀。餐厅都有蝴蝶酥、曲奇卖，如果想留返d位比有需要的人享用，可以帮衬下买呢d，等银杏馆可长做长有。