上海香港麵家

营业中

休息中

今日参加左一年一度嘅渣打马拉松，好辛苦咁跑完10K之后，等埋女朋友就一齐去附近揾嘢食。喺铜锣湾见到有间上海店，突然间好想食粢饭，就带埋女朋友入咗去食。叫咗一个粢饭两个人share，店员好细心咁分开咗两份，不过拎上枱嘅时候啲粢饭已经林晒，唔似得啱啱整起咁胀卜卜，不过仲系好热辣辣嘅。食落去嘅时候感觉到有好多肉松，当然仲有油炸鬼同埋榨菜。肉松同榨菜都系好食嘅，配埋油炸鬼同糯米一齐食有好多唔同嘅口感，不过油炸鬼唔系太脆，食落去冇咁香口。仲有叫左葱油饼，不过唔系太特别，食到有葱味但系唔太突出，上面既芝麻唔够香反而呢个热豆浆有惊喜，我叫咗甜豆浆，热辣辣拎上嚟饮落去充满豆味，下次可以试吓无糖豆浆，应该可以更加尝试到豆嘅浓郁味道。系跑完步之后可以食到一个咁丰富嘅早餐已经好满足。