影片
更多
2014-07-18
2366 浏览
「上海婆婆」及「上海婆婆 336」都曾经帮衬过，前者买较传统上海菜，而后者就喺「上海婆婆」嘅副线，无论装修，以及食物，均针对年轻人，晌上海菜基础上，加入一啲新点子，晌味道上略作调校，比起传统汤卤醇厚、浓油赤酱嘅上海菜形象，变得健康一啲。查实小弟都好耐无去过「上海婆婆」，对上一次已经喺2010年嘅事（牛头角淘大花园店），加上朋友较喜欢传统嘅上海菜，所以，趁星期日过到嚟葵芳都会广场店，食番餐「晏仔」。虽然佢喺卖传统上海菜，但环境又唔会太「老饼」，一啲都无老派上海菜馆嘅影子，相反，一室灯光柔，而最为人知嘅标记喺一幅又一幅嘅中国大头娃娃油画，唔同表情，扮得古灵精怪。依间分店个铺位几大，好阔好深，一半左右喺卡位，阔落舒服，另外嘅就喺可郁动嘅二人枱，即喺2、4、6人……都得，不过人多就唔太钟意坐「长枱」，唔多方便倾偈嘛！唔好嫌小弟嘅食评烦，篇篇都好似打报告咁，次次都讲一轮餐牌有咩食，皆因都希望读者有多啲参考。上海婆婆嘅菜式分为：冷菜（有19款，拉平均都喺$40-$50）、汤羹、豆腐、蔬菜、海鲜、猪牛、鸡鸭、饭面、手造拉面、点心（继冷菜，另一种多选择类别，足足22款）、甜品及饮品。主餐牌印刷相当精美
虽然佢喺卖传统上海菜，但环境又唔会太「老饼」，一啲都无老派上海菜馆嘅影子，相反，一室灯光柔，而最为人知嘅标记喺一幅又一幅嘅中国大头娃娃油画，唔同表情，扮得古灵精怪。依间分店个铺位几大，好阔好深，一半左右喺卡位，阔落舒服，另外嘅就喺可郁动嘅二人枱，即喺2、4、6人……都得，不过人多就唔太钟意坐「长枱」，唔多方便倾偈嘛！
唔好嫌小弟嘅食评烦，篇篇都好似打报告咁，次次都讲一轮餐牌有咩食，皆因都希望读者有多啲参考。上海婆婆嘅菜式分为：冷菜（有19款，拉平均都喺$40-$50）、汤羹、豆腐、蔬菜、海鲜、猪牛、鸡鸭、饭面、手造拉面、点心（继冷菜，另一种多选择类别，足足22款）、甜品及饮品。主餐牌印刷相当精美，部份菜式更有图片参考，实在睇相都觉得十分吸引。
醉乳鸽 $85依个醉乳鸽喺冷菜中最贵嘅一款，其他都唔过$65。虽然都有醉鸡，但醉乳鸽就比较少食，原只醉乳鸽斩好后砌番晒出嚟，务求话你知货真价实，足一只乳鸽，睇落只乳鸽仲几大只添。因喺乳鸽关系，感觉比食醉鸡啲肉仲嫩，酒香入肉，皮又几爽，脂肪极少，微微酒香无冚过乳鸽鲜味，有水准。
油炆笋 $38朋友话好想试，其实我都想。冰冰凉凉嘅鲜竹笋条，入口果真爽脆得嚟有咬口，条条挂满酱油。虽然睇落做法简单，但味道上恰到好处。
砂锅腌笃鲜 $88因为食餐晏，初时都无打算点汤羹，不过，老婆一句想饮啖汤水，即刻做嘢。汤羹类共有7款，砂锅云吞鸡怕食唔晒，酸辣汤又经常饮，最后拣个腌笃鲜。个汤唔止大锅，仲有唔少料，主打嘅新鲜五花腩同金华火腿就走唔甩啦，加埋好多小棠菜、竹笋、百页结。汤底奶白，味道咸鲜，竹笋依然爽脆，百页结又有豆香，连渣带汤，我哋4个人每人分到两碗以上，所以，实在好饮又抵饮。好饮唔喺得个讲，我哋真喺清晒见锅底。
京葱手切牛肉包 $30廿多款点心，好几款我哋都好有兴趣，一向去「唯一面家」（尤其尖沙咀厚福街𠮶间）都例点佢个北京馅饼咁滞，晌度见有款类似嘅点心，加上张相影得几靓，又喺「婆婆推介」，投佢信心一票。外观煎得几好样，虽然个包身无官方相片做得咁薄，但生煎得底面均香脆；至于馅心，手切牛肉认做真唔错，几香浓惹味，质感软腍，却又有咬口，都值得挨介，况且，$30一客有3个，平均$10个算抵食啦。
上汤小笼包 $30到上海铺食小笼包有少少成为指定动作，皆因都想比较吓其他店嘅出品，睇睇依个亦喺「婆婆推介」嘅质素又如何！首先，睇落个样唔算好薄透，亦嫌佢收口个折位有少少厚，不过，几钟意佢垫片青瓜片，减少黏连嘅机会。其后咬落，其实个皮又唔算厚，馅肉蒸得刚好，又富汤汁，猪肉馅打得松化，亦唔觉佢肥，整体做得唔失礼。
干烧虾球 $108十多款海鲜类菜式，原本相中炸脆鳝，因为之前曾晌上海婆婆336食过，觉得好好味想推介一下俾朋友，不过佢哋对鳝唔多啱，故此拣咗干烧虾球。叫得虾球唔会细只得去卣，果然，又大只，又爽口，食落几鲜味，而个汁酱无想像中咁重口味，少少酸，中等辣度，会令人觉得几开胃。因为啲汁都偏多，建议不妨加碗白饭送汁唔好嘥。
雪菜肉丝炒年糕 $58饭面同手造拉面真喺好多选择，夹埋成30多款，实在唔知拣咩好，所以，就由朋友发办，果然喺传统啲，点咗雪菜肉丝炒年糕。一碟炒年糕份量不少，年糕炒得软糯烟韧，雪菜带出嘅盐味啱啱好，肉丝唔太多，不过，都喺觉得啲肉丝陪衬多啲啫。
估唔同今次嘅饭脚几擦得，所以，都仲有「胃置」食少少甜品。甜品选择一共6款，都喺上海馆子嘅经典甜点。
黄金南瓜饼 $35一客有4件，啱啱够分，唔使争又唔使让。南瓜饼确然炸得黄金，色泽「匀巡」，外型涨卜卜，再撒上沙糖花生碎。南瓜饼外皮质感烟糯，咬落唔黏牙，淡淡南瓜味，而内里豆沙馅又绵又沙，清甜不腻，好味，真想再点多一客。
酒酿丸子 $35其中一位朋友极钟意食酒酿丸子，所以点一客，我哋各人试少少，佢就包底。酒酿几够酒香，淡雅不俗，又带有桂花幽香，亦无过甜弊病，丸子烟韧度恰当好处，朋友话合格有余。
虽然饭市颇多人，几近坐满，翻枱都几快，不过，服务都几到位，斟茶递水，上菜换碟，都殷勤爽快。埋单先知，唔收茶芥，不过就有加一，但食咗咁多嘢每人平均都喺$140左右，值得再会「婆婆」。
张贴
