仁芝初

营业中

休息中

同个朋友食完晚饭之后佢话想食糖水，特别系想食传统嘅中式糖水，所以就揾咗呢间嘞。之前有朋友带我嚟食过，所以大概有印象系乜嘢位置，其实地点都还算方便嘅，同埋个门牌都好容易认到。去到门口要等位，等咗大概10分钟就有位嘞。我哋叫咗一个香滑芝麻糊加汤圆，同埋一个香浓合桃露加汤圆，唔知系咪因为加咗汤圆说个碗特别大个，味道方面芝麻糊好香好滑，系可以嘅。合桃露反为冇芝麻糊咁浓，但系合桃香味都系好出嘅，所以整体嚟讲都唔错，食得出有以前食开传统中式糖水嘅口感同埋味道。朋友话下次再嚟试其他嘅糖水，我都应承咗佢一齐试吓其他糖水再讲。