周師傅點心 (已結業)

久唔久来深水埗呢边行下都几开心，有好多平嘢买，而且仲有好多非连锁式经营的美食！几有新意，又有人情味。熙来攘往的街道之中穿插着，突然落起大雨，企埋一边避一避雨，身后有一间周师傅点心，反正肚饿，不如就食埋饭先返屋企啦。估唔到看似平凡嘅一间点心店，原来可以食到特色又有创意嘅点心㖞！干脆叉烧包叉烧包平时食开蒸嘅，原来呢度有焗叉烧包！当然要试吓，估唔到焗嘅叉烧包系咁好食，外层少少金黄，系脆脆地的，里面都系松软的，真系又有层次又好味。XO酱炒萝卜糕，小小辣，食落软软的萝卜糕之中 带几分刺激，而且份量都几多！好抵食！红酒牛肉球用红酒做牛肉球的酱汁，真系够矜贵！非油炸脆脆虾多士！呢个系重点推介！真系令人好惊喜的菜式！虾多士用上左劲多虾肉做馅，好抵食！而且上面好多芝麻，好香脆。