名館 (黃埔天地) (已結業)

首先要赞一赞，香港人都系冇乜耐性。而呢间餐厅上菜速度非常之快！唔怕要等好耐呢个系奶黄包，本身黑色嘅皮已经好型，再加埋金色嘅颜料简直系潮到爆！咕噜肉 份量都几多。唔会整得太咸， 一阵就清左碟！个肉唔会干身，多juicy!睇清楚啲呢碟系乜嘢，其实系口水鸡！ 值得赞嘅地方系上面嘅香料、花生分量都好多。足以遮盖咗全部嘅鸡，花生同香料炒得好香，令个口水鸡加哂分！炸虾卷， 佢同一般嘅春卷唔同嘅地方，就系佢入面加咗好多菜。令到即使系油炸野，都唔会觉得好油腻，呢个设计几好，食多两件都唔怕！五彩面，呢个面特别嘅地方系啲面系有唔同颜色。同台嘅老人家食得好开心！鸡丝粉皮，呢度鸡丝嘅份量比较多，平时出去食得几条喺上面，食得唔过瘾！记住食之前要捞匀啲，因为本身个酱比较杰身，无捞好会太咸。小笼包， 呢度嘅小笼包啱啱出炉就上枱，非常够热！好多汁，另外个皮做得好薄，要赞！ 要留意嘅就系要小心啲夹。因为同枱都人夹穿左，流晒啲肉汁，咁就唔抵啦。呢个泡饭setting好有型，用一个传统嘅明火炉一路煲住，食到后尾都仲系好热！ 始终中式食物都系够热先好食！个汤都好够味！