圓山台灣料理 (已結業)

依间台式餐厅以小菜同小炒为主,装修格调有D似中式酒楼,小菜嘅款式多样,有好多唔同嘅选择。蚵仔煎系我每次只要去到台湾都必食嘅夜市美食,估唔到依度都有,谂都唔使谂当我大左。不过就同台湾嘅有少少分别,依度嘅比较似蚵仔煎蛋,不过蛋味好香,蚵仔份量超多,每一啖都食到,仲加大量葱粒令口感味道更有层次。三杯鸡又系另一道台湾名菜,比较重口味嘅一道菜,好香麻油同姜葱味。鸡肉嫩滑,酱汁香浓,仲有九层塔嘅独特香气。屏东小炒王好丰富,有韭菜花,虾干,鱿鱼须,咸肉,够晒有镬气,用嚟送饭一流。脆皮大肠同平时系街边食开嘅炸大肠味道差唔多,不过里边嘅脂肪被清理过,冇咁多。食落更香脆而且冇咁邪恶。当然唔少得食卤肉饭,卤肉大大嚿又入味,肥肉同廋肉比例啱啱好,卤肉嘅脂肪入口即溶,虽然感觉好邪恶但系食落一D都唔腻。