大家姐 (已結業)

之前上网见到介绍荃湾老牌餐厅嘅文章，就心郁郁想咩都试下，其中呢间大家姐就比较吸引我。餐厅里面有一大幅香港街景漫画墙，上面印咗好多各式各样嘅招牌，凸显咗香港街道一大特色，几符合餐厅香港传统小食嘅主题。猪油渣面由肥猪油炸油所剩嘅肉碎，微脆，有咬口，面条偏软身和淡味，中和咗猪油渣嘅油腻感。除咗猪油肉碎，仲有冬菇、香葱、榨菜同冬菜等配料调味。当中，榨菜同冬菜系放咗系每张枱上面，客人可以按自己喜好，钟意落几多就落几多。而榨菜就偏辣，几爽口。