段純貞牛肉麵 (MONTEREY Place)

营业中

休息中

住系将军澳咁耐都唔知有间咁好食既台湾牛肉面。讲紧既系过江龙段纯贞。餐厅系将军澳DON DON DONKI分店楼下，所以好易揾到。装修简约，古色古香。侍应服务非常之好。拣咗招牌嘅蕃茄半筋半肉手工面，汤底非常之浓郁，而且每条面都有挂汁嘅效果。半筋半肉已经炆到轻轻一咬就分开，肉味香浓啲筋系软化既状态。而胡椒汤酸菜鸡面更加惊喜，鸡髀位嫩滑入味，酸菜汤配上面食恰到好处。而且份量啱啱好。两款汤底好唔同蕃茄浓汤食得出牛骨熬制好重好浓嘅味道配上牛肉感觉好满足，而胡椒汤睇落清淡实质酸味胡椒的辛辣也是入口舒服。去过食台湾食嘢一定知道盐酥鸡同埋三星葱饼系佢哋嘅明物。段纯贞都有呢两款小食，我好挂住台湾，所以一定要叫。盐酥鸡香浓，酥脆上面嘅盐酥咸得黎带少少胡椒粉的辛辣味道越食越开胃。而三星葱肉锅饼，上枱热辣辣，青葱嘅香味散发而且熟左既三星葱食落去系好甜㗎。叫上两杯台湾嘅珍珠奶茶和手摇饮品，咁先系完美嘅一餐。