影片
更多
2024-12-29
29 浏览
呢餐宴会菜式系典型嘅酒楼风格，菜色丰富。但服务方面比较失色，例如加茶水要自己去苦差区，见到啲服务员行来行去都唔会主动帮忙，搞到好多时候要等好耐先有热茶送到口边。.烧乳猪：脆皮好食，希望唔好浪费喂Siri第一道系烧乳猪，质量算唔错，乳猪皮够脆，肉质细嫩。但我觉得比较浪费嘅系佢收晒啲猪头，就倒晒落部车度，我问佢想拎返屋企，佢话一个人最多系攞一个，最初头佢都唔俾，肯定一位同事比多两个，所以我就见住佢将其他猪头到晒落垃圾车度，直接白白浪费。.红烧竹笙海皇翅：汤底浓郁但表现平平红烧竹笙海皇翅汤底熬得算系有厚度，但味道就冇太大惊喜，属于一般嘅表现。竹笙同鱼翅嘅口感细致，配料都算足够。.百花炸酿蟹钳：味道不错，但略显油腻蟹钳嘅外皮炸得够金黄酥脆，虾胶亦算弹牙，但啲油腻感比较重，食多几件会觉得负担，如果可以同时有啲灯笼椒或者清爽啲嘅嘢一齐食，感觉应该会平衡好多。.清蒸金花尾班：火候得宜，肉质鲜嫩鱼肉质地嫩滑，火候控制得几好，豉油同葱油嘅调味都好到位，系当日咁多道菜的其中一个亮点。.当红脆皮烧鸡：实至名归，鸡肉嫩滑呢度菜我谂系酒楼宴会必点的，但真系唔系间间做得好，今次真系算有水准，鸡皮脆鸡肉唔鞋口已经好
呢餐宴会菜式系典型嘅酒楼风格，菜色丰富。但服务方面比较失色，例如加茶水要自己去苦差区，见到啲服务员行来行去都唔会主动帮忙，搞到好多时候要等好耐先有热茶送到口边。.
烧乳猪：脆皮好食，希望唔好浪费喂Siri
第一道系烧乳猪，质量算唔错，乳猪皮够脆，肉质细嫩。但我觉得比较浪费嘅系佢收晒啲猪头，就倒晒落部车度，我问佢想拎返屋企，佢话一个人最多系攞一个，最初头佢都唔俾，肯定一位同事比多两个，所以我就见住佢将其他猪头到晒落垃圾车度，直接白白浪费。
.
红烧竹笙海皇翅：汤底浓郁但表现平平红烧竹笙海皇翅汤底熬得算系有厚度，但味道就冇太大惊喜，属于一般嘅表现。竹笙同鱼翅嘅口感细致，配料都算足够。
.
百花炸酿蟹钳：味道不错，但略显油腻蟹钳嘅外皮炸得够金黄酥脆，虾胶亦算弹牙，但啲油腻感比较重，食多几件会觉得负担，如果可以同时有啲灯笼椒或者清爽啲嘅嘢一齐食，感觉应该会平衡好多。
.
清蒸金花尾班：火候得宜，肉质鲜嫩鱼肉质地嫩滑，火候控制得几好，豉油同葱油嘅调味都好到位，系当日咁多道菜的其中一个亮点。
.
当红脆皮烧鸡：实至名归，鸡肉嫩滑呢度菜我谂系酒楼宴会必点的，但真系唔系间间做得好，今次真系算有水准，鸡皮脆鸡肉唔鞋口已经好难得。
.
腊味糯米饭：香气足，但欠惊喜腊味糯米饭系一道传统宴会饭，但冇特别嘅创意。腊肠油香渗入饭中，米粒分明，但味道比较单一，食完一碟之后未必会特别记得。整体来讲，系一碟稳阵但唔会令人回味嘅主食。
.
蚝皇原只鲍鱼扣玉掌：鲍鱼厚实，蚝皇汁过咸鲍鱼本身煮得够腍，玉掌亦带有胶质，但蚝皇汁嘅味道过咸，掩盖咗食材本身嘅鲜味，令人食完有啲口渴。整体感觉食材质素唔错，但调味嘅比例未算掌握得好，少咗惊喜嘅感觉。
.
结论：菜色合格，服务需提升
呢场宴会菜色虽然都系稳阵嘅传统选择，而且整体嚟讲味道都系有水准的同埋份量都啱啱好。但更加值得一提系服务，烧乳猪嘅浪费情况令人不安，加茶水又要自己去攞，呢啲细节影响咗整体体验。如果未来可以提升服务水平，相信会令客人有更好嘅印象。
张贴
