元朗新記 (吳松街)

营业中

休息中

对于虽然知道元朗隐藏好多餐厅,但由于元朗真系太远,自已又仲未有动力踏入元朗.今日经过佐敦,见到呢间新记写明黎自元朗就即刻有动力入去试下.海鲜粥系招牌就当然要试试,海鲜粥用砂锅上,内里有鲜蟹,虾,带子等等.粥底吸晒海鲜既鲜味之余又带点腐竹既香味,无味精所以食完都唔会口渴,入口够绵滑.XO酱猪扒炒公仔面,公仔面炒得干身之余又面质唔会变糊,食落仲好有弹性.XO酱味够香带点辣味又唔会过咸,加上少少配茶食落更香葱蒜味,再系面上加点芝麻粒更香口.猪扒入口松化煎炸得香而不腻.酥炸鱿鱼须炸得好脆身,咬落脆卜卜,内里鱿鱼须唔会炸得过老,入口爽弹富有口感.