天樂烘焙 (已結業)

之前收工經過天樂烘焙餅店，之後睇到佢係一間比較傳統舊式嘅餅店，而入邊有一個櫃裝滿咗唔同味道嘅曲奇餅，十分吸引。而我就揀選咗我最鍾意嘅舊式朱古力曲奇餅同咖啡味曲奇餅，咁聽到姐姐話最低消費可以係廿蚊。我就叫咗半磅曲奇，分開兩隻味道一包。曲奇餅會用一個密實袋裝好。朱古力曲奇 ($47/半磅)唧成花形，鬆化，以上面嗰粒朱古力唔會偷工減料，大大粒，配上鬆化嘅曲奇餅，好match!相比之下，咖啡味曲奇餅冇朱古力曲奇咁吸引，有一陣陣嘅咖啡香味，但質感上冇朱古力曲奇餅咁鬆軟可口。所以，我會比較推介朱古力曲奇餅。其實，店舖內都仲有好多不同曲奇餅嘅味道。我都會想遲啲再去試其他味道。