天樂烘焙 (已結業)

之前收工经过天乐烘焙饼店，之后睇到佢系一间比较传统旧式嘅饼店，而入边有一个柜装满咗唔同味道嘅曲奇饼，十分吸引。而我就拣选咗我最钟意嘅旧式朱古力曲奇饼同咖啡味曲奇饼，咁听到姐姐话最低消费可以系廿蚊。我就叫咗半磅曲奇，分开两只味道一包。曲奇饼会用一个密实袋装好。朱古力曲奇 ($47/半磅)唧成花形，松化，以上面𠮶粒朱古力唔会偷工减料，大大粒，配上松化嘅曲奇饼，好match!相比之下，咖啡味曲奇饼冇朱古力曲奇咁吸引，有一阵阵嘅咖啡香味，但质感上冇朱古力曲奇饼咁松软可口。所以，我会比较推介朱古力曲奇饼。其实，店舖内都仲有好多不同曲奇饼嘅味道。我都会想迟啲再去试其他味道。