家家戶戶

营业中

休息中

今日放工朋友话好想食韩国餐，谂起成日经过𠮶一间家庭式韩国料理，每日都好多人排队，所以特别想试下系唔系咁吸引。铺头入面既家庭布置，好舒服，令人好放松，我地拣左一张面向路边既位置，感觉就好似去左韩国食野一样。餐牌入面有多款配搭的套餐组合，其实心多多都唔知拣边一样， 见到最多人拣石头锅饭，所以我地都叫左一个韩式辣猪肉石头锅饭，另外配一个鸡肉韩式什锦饭。韩式辣猪肉石头锅饭，好香，饭的口感软硬刚刚好，上枱个阵仲系滚烫紧，有只生蛋放上面,用来搅拌啲饭，带出浓浓的鲜味。整体都好惹味，偏辣。韩式鸡肉什锦饭，伴随的泡菜已经有四款，另外加海带汤， 所有嘅份量都好充足，一个女仔应该食唔哂。将配菜加入去伴饭，增加甜甜辣辣的口感，更加开胃惹味。