凱富菜館 (已結業)

今次同老婆试呢间开业左几耐既凯富菜馆，钟意食比较传统地道少少既潮州菜既话不妨一试。首先我地叫左个潮式春菜煲。听讲春菜系潮州盛产既一种菜，食起上黎感觉介乎芥菜同菜心之间，浸系清汤里面，每一啖都好鲜甜，食落咁多菜好似好健康咁跟住我地叫呢款九肚鱼烙，煎得非常香脆，而且九肚鱼足料，好香口好惹味，食厌左蚝饼既话可以试试呢款九肚鱼烙蚝仔粥系我同老婆潮州菜黎讲既至爱。菜馆师傅落得好足料系粥入面，好多粒珍珠蚝系碗粥入面，非常鲜甜，完全唔腥，真系忍唔住一碗接一碗咁食晒佢。甜品方面，传统潮州菜甜品边少得反沙芋头呢？反沙芋头既材料非常简单，但就好考师傅手势，煮熔砂糖然后放入条状芋头不停系咁兜，直到砂糖均匀包住芋头表面，造成脆面外皮而内里芋头粉糯的效果。而呢度既反沙芋头就做得恰到好处，食落非常滋味整体上呢间餐厅实而不华，平民化得黎亦有高水准表现，而且价钱同份量都合理，就算一大班人黎食饭聚旧都几适合。