雁來居潮州飯店

营业中

休息中

好几个月冇嚟旺角砵兰街，谂住去帮衬咗好多年嘅「新泉发」食潮洲嘢，忽然发现旧址变咗间粥铺，以为执咗唔做﹗失望之余，离远见到豉油街口有间新食肆，行过去睇，见到门口企咗个老伯伯伙记，好熟口面，同佢倾咗几句，先知三个月前「新泉发」原班人马搬咗嚟呢间「雁来居」﹗差啲走漏眼，即管入去试吓。新店装修光猛新净、简单舒服，厕所干净冇味，非常难得，胜过好多餐厅。我哋得两丁友，点咗卤水鹅片、韮菜猪红、咸酸菜鱼同潮洲粥，再整支蓝妹。鹅片肉嫩入味，韮菜猪红爽口，醎酸菜好够味，佐粥一流，食到旧店嘅传统味道﹗一路食、一路同几个伙记有倾有讲，知道其中一个阿伯由「新泉发」开店做到依家，打工超过三十年，好忠心㖞﹗呢啲具风味嘅小店，卖少见少，绝对值得支持，我一定会再嚟，仲会带多几个朋友嚟，试多几味菜。