泰豊廔酒家

营业中

休息中

旧式京菜买少见少，有时就系想食返呢种传统嘅味道。一坐低就有一碟花生同埋一碟腌菜，估唔到呢个叶菜几好食 。跟手叫咗个三丝粉皮，可惜味道麻麻地，粉皮唔系好吸啲麻酱，另外个仿鲍丝有啲苦。津白云吞几好食，个汤清清地，云吞系旧式菜肉云吞。招牌菜上枱喇，因为三个人惊食唔晒所以只系叫咗半只北京填鸭，配青瓜京葱甜酱，呢度系用蒸皮，就系钟意呢只嘅味道。其实半只份量唔系好多，早知要够一只啦。京烧羊肉好食，烧得够香，羊肉又唔会太肥。见隔离枱叫个锅贴好靓所以我哋又叫咗一份，一共有八只份量都算大份。最后甜品叫咗豆沙锅饼，又系古早味，好食。