杏香園 (已結業)

今日黎开九龙城办年货。路过杏香园，远远俾佢地绿油油嘅门面吸引咗，又话有50几年歴史，所以就算好饱，都嚟试下呢间澳门过江龙先。我哋嚟到嘅时候大概一点左右，人唔算多，都有3，4枱。好似都系熟客。睇下餐牌有咩食先。 除咗经典嘅港式糖水， 竟然仲有午餐食。 甜品都唔算平，要大概30-40蚊左右先至有一份。识食梗系叫份简单$40几既午餐，然后再加15蚊食佢哋嘅经典糖水。可以要杏仁茶，马蹄沙或者合桃糊。我哋就试咗个羽衣甘兰水饺面再加马蹄沙。羽衣甘兰水饺同面都唔错。 水饺入面都系满满既羽衣甘兰。开头以为𠮶面系菠菜面，最后先发觉原来都系羽衣甘兰做嘅面。面条偏粗身，有咬口。感觉成件事食咗好多菜咁，好健康。 不过略嫌汤底冇咩味，成件事好清淡，重口味嘅人真系一啲都唔啱黎食。马蹄沙做得好好味，好细致嘅口感。不过略为偏甜。但我相信偏甜系迎合大众嘅口味， 可以再试其他汤水。呢间舖头好钟意提及超级食物羽衣甘蓝，好多海报都系以羽衣甘兰嚟做卖点。竟然畀我发觉 有羽衣甘兰芝士蛋糕。好难想像菜同蛋糕夹埋一齐，唔到系咩味。 如果有人试过可以话我知。