佳佳甜品 (已搬遷) 新店位置

细过o既时候最怕就系中式糖水，见到静系得中式糖水o既铺头，我系唔会入去，可能因为陪妈咪食得多，唔知几时开始就钟意左。糖水铺越开越多，但传统中式就买小见小，人人都要多花款，旧的就会被汹汰。好多由细帮衬开o既铺头都一一结业。佳佳不嬲一贯作风，唔花巧。中午时份，见老板系度将d煮好o既糖水放入雪柜，见都未食晏，就叫一个饱肚d o既蕃薯糖水，平时食饱饱就唔敢叫，因为惊太饱。真系好系姜，因为我好钟意任何姜o既食物，所以觉得好好味啊！饮d姜水落去感觉到个胃都暖左一暖，d蕃薯好淋好绵，有4大旧。妈咪就叫左杏仁糊加汤圆3粒。我冇试食，因为我唔钟意杏仁味。妈仔话几滑，芝麻汤圆都好食。仲有佳佳o既合桃糊同芝麻糊都好食，起码唔会好漏。