萬寶素食館 (已結業)

上星期和朋友饭局, 星仔老婆话想食素, 仲话想食d传统的, 不要古灵精怪的食馆, 我打探食开素的朋友得知, 依间系窝打老道、培正中学对面的万宝素食馆, 开业好多年, 每逢星期六日或初一十五, 都要订位先有枱, 和大家商量后决定试下这间素食馆。我们一行8人订了8点钟, 去到的时候都有8成满, 好在有订枱, 如果唔系有排等。我们点了葡汁焗四蔬、炸鲜奶、炸荔芋卷、五柳芋头鱼、锦卤云吞、素猪扒、素鱼生、豉油皇炒面和粟米粥，大家倾左一阵计, d菜都陆续上枱, 都算好快同埋好够热, 我就好钟意个芋头鱼、炸鲜奶和粟米粥, 而个素鱼生系鲍片拼吞拿鱼, 好鬼似食真鱼生的感觉, 好好食. 连星仔老婆都话好得意好正, 到差不多食完, 有位伙计哥仔话可以任食生果及糖水, 生果有火龙果、西瓜、哈密瓜、忙果、橙等等, 而糖水就有凉粉同埋绿豆沙, 好丰富好正呀...总括来说, 每人都系70多元, 又有免费生果糖水任食, 都可以话好抵食好正同好好味, 值得一试!