屏山傳統盆菜

营业中

休息中

要食最传统嘅盆菜，如果你唔系有新界围村嘅亲戚朋友，其实平时都几难可以食得到。而在元朗屏山塘坊村，就有邓氏宗族后人主理嘅传统盆菜，卖相纵使唔及连锁食肆及高级酒家嘅盆菜咁豪华，但食落就令人感觉好有风味！盆菜除有花菇，猪肉枝竹外，更有例牌三宝嘅猪皮萝卜鱼蛋，屏山神仙鸡，炸门鳝等，用料相当丰富。炸门鳝系坊间较少见嘅配料，外皮炸得非常香脆，入面嘅鳝肉亦鲜嫩滑溜，不过鱼骨颇多，食果阵真系要格外小心。而神仙鸡鸡味十足，肉身够滑够入味，鸡皮油脂唔多，怕肥嘅朋友亦不妨可以连皮食！呢份盆菜其实有不少地方要改善，猪皮过腍无咬口，萝卜够淋但唔入味，的确系有点失败。但其实呢度个酱汁非常香浓，花菇枝竹尤其索味，用黎送饭就最好不过。然而呢度提供嘅并唔系普通白饭，而系屏山独有嘅「鸡鸭饭」...屏山独有鸡鸭饭卖相尤如炒饭再加入烧味档嘅下栏料，卖相完全无特别，但食落却又被精彩嘅香味吸引，饭粒混入疑似榨菜及虾米一齐炒，再加上鸡肉鸭肉而成，口感一绝！呢度嘅地点虽然较偏僻，但要追寻传统味道，就必需要不怕艰辛，就算车程漫长亦在所不计，所以呢盆系值得的！