稻庭養助

营业中

休息中

🥡特大天妇罗虾乌冬 $148乌冬可以拣热或者冻，天妇罗虾上枱大只又够热。乌冬望落比较幼身同埋薄，似系平日系街买到干果啲，又或者似阳春面。不过食落口烟烟韧韧，唔会一夹就散开，仲好幼滑添。分量都足够，食一碗已经好鬼饱～如果真系要西一下面，就系个虾淡咗啲，点埋汁都仲系争小小。🥡炸牛蒡呢个真心有惊喜，食落有薯条嘅感觉，唔会话成口油，同佢成条柴嘅外貌岩岩相反。点埋呢个沙律酱，用嚟送酒一流，可惜冇嗌～🥡芝士鸡肉丸又嚟食多个小食，鸡肉丸份量都多，上面铺满咗大家最爱嘅芝士，不过记得衬热食，冻咗就拉唔到丝啦！