方太糕品舖 (已搬遷) 新店位置

因为以前食开嘅糕点舖结左业，所以开始寻觅啲唔同地区出名与唔出名既传统糕点，食过深水埗好出名个间x记，越做越差越卖越贵，食过铜锣湾北角等等，但都真系好唔掂，而家终于叫做揾到间系岩口味又唔系离地价钱既“方太“ ，不过…实在太多人买，要排一段时间，排完又未必仲有想食既个款糕。方太糕品 我买过几次，因为冇特别喜爱椰汁类既糕，所以只试过黄糖糕、白糖糕、砵仔糕、马豆糕、眉豆糕、红豆糕、绿豆、桂花糕、红枣糕、芝麻糕同芝麻卷；甜度：除左黄糖白糖糕偏甜之外，其他既甜度系完全恰到好处；我偏爱红豆、绿豆、眉豆糕，质感好实在，因为每啖都有超多超丰富既豆填满每个空隙；马豆糕质感削啲、唔多马豆，但系都可以一试；砵仔糕如果可以再多啲红豆就好喇桂花糕同红枣糕味道就个人认为唔够浓，不过做法系唔同 我平时钟意食茶楼嘅个款红枣糕，所以其实唔应该做比较；至于芝麻卷，冇得弹，相比起芝麻糕，芝麻卷既芝麻味更浓，质感爽滑细腻，大家仲有得买半条黎试下味人人口味都唔同，纯粹个人分享，不喜勿插，谢谢另外要一赞既系执糕嘅哥哥仔实在太有耐性太好礼貌，仲要好卫生，唔似其他店舖带住手套以为好卫生但同一对手套去收钱找钱