明記甜品 (吳松街) (已結業)

渡船街附近食完BBQ，谂住去附近甜品店划句号，点知间甜品舖系咁入4人枱，完全唔理先到既我们，嬲起上嚟决定走人，行出佐敦往地铁既路上时途经庙街，见由大学毕业后好耐冇嚟过，于是往内走走。这里唔觉唔觉发展到成个台湾夜市咁，除左街口多左庙街既牌坊外，成条街又挂哂旗仔，啲排档又开到成行成市(由以前既煲仔饭﹑蚝饼演变到较赚钱既辣蟹)，完全唔同哂咁！(我讲既系近佐敦𠮶边，油麻地𠮶边可能仲系蚝饼煲仔饭都唔定架！)行行下见倒有间明记甜品，以为系西湾河𠮶间既分店，谂住有得食较新式既芒果冻饼，所以坐低左，但看餐牌便发现两者没关系的，此明记系食中式糖水既，都唔紧要啦！都坐低左，食番个好耐冇食既蕃薯糖水啦！有冻或热供选择，我真系未试过食冻既，横竖食饱饭都口渴，于是点了冻吃。没多久甜品嚟了，喝一口糖水，够冻且有姜味，蕃薯够腍亦入味，估唔到冻吃都好味㖞！老公则点了冻既马蹄沙，有蛋花的，佢话味道系唔错，但佢𠮶碗唔够冻，扣左分。每人最低消费15蚊，我地既糖水就正正系每碗15蚊，其实佢选择唔多，都系大路既红豆沙﹑绿豆沙﹑豆花等，上得又快，要坐街边冇冷气叹，大家食完都即闪呢，点解要set最低消费呢？不过佢俾你喺隔离档买咖哩