佳佳甜品

营业中

休息中

佳佳算系我比较钟意嘅糖水店，品种冇一d新颖嘅糖水店多，但系出品绝对唔会差，卖得最好嘅都系一d比较传统嘅老式糖水，好似自己屋企都经常煲嘅番薯糖水，仲有从细食到大嘅芝麻糊，杏仁露，合桃露之类有益嘅糖水，虽然因为租金问题搬过几次店面，不过系呢附近。浓姜番薯糖水真系每次必点吖，饱到死都可以食一碗落去，浓浓嘅姜味，连糖水都系辣嘅，妳可以想象下有几多姜！当然，唔钟意姜嘅人就唔自己稳苦挨喇！番薯系鸡蛋黄嘅番薯，好粉又清甜，煲糖水一流！一碗落去胃都暖埋！杏仁露杏仁味浓郁，又香又润，试一啖妳就知乜叫真材实料！黑白配嘅杏仁露同香滑芝麻糊，颜色好睇，味道不错，清润嘅杏仁露，香浓嘅芝麻糊，正！