影片
更多
2019-12-09
467 浏览
星期六，晨早流流，约咗个朋友一齐去行山，行山之前就梗系要食饱啲嘅，所以就嚟咗端记茶楼食饱先至出发！已经系第二次嚟啦，人大咗就愈系钟意体验呢啲原始风味，始终平时喺城市居住得耐呢啲传统野真系买少见少。入返正题先，其实交通好方便，一啲都唔难嚟到，喺荃湾市区坐80号小巴去到总站行多两步就到啦。呢度系自助式茶餐，拎碗筷、茶水、点心呢啲全部都系自助，只有埋单呢个动作要职员帮手。其实自助都几好吖，睇啱咩嘢想食就拎嚟食，啲姐姐仲会嗌咪介绍有咩系新鲜出炉嘅嘢食，啱食嘅就出去拎，咁样真系好有特色嘅。唔好以为咁早无咩人呀，其实我地9点左右到都已经人头涌涌嫁啦，再迟少少嘅话真系揾个位都难！听讲西洋菜系现摘现煮，好似好新鲜咁！我之前最多都系饮过西洋菜鱼汤同西洋菜蜜，从来都未食过真正咁样煮嘅西洋菜，所以无理由唔试吓啦。一碟西洋菜都几大碟！另外我地仲拎咗咸鱼饭、叉烧包、豆腐花等等两个人饮茶，食到咁多款点心都算系咁啦！睇其他人啲comment话觉得啲职员态度好差、嘢食又垃圾、环境又污糟等等，但系我就完全唔系咁谂，职员好有人情味，话就话自助式，但系其实有咩问佢地，或者有咩要佢地帮手都会帮。至于嘢食方面，其实我觉得呢啲点
已经系第二次嚟啦，人大咗就愈系钟意体验呢啲原始风味，始终平时喺城市居住得耐呢啲传统野真系买少见少。
入返正题先，其实交通好方便，一啲都唔难嚟到，喺荃湾市区坐80号小巴去到总站行多两步就到啦。
呢度系自助式茶餐，拎碗筷、茶水、点心呢啲全部都系自助，只有埋单呢个动作要职员帮手。其实自助都几好吖，睇啱咩嘢想食就拎嚟食，啲姐姐仲会嗌咪介绍有咩系新鲜出炉嘅嘢食，啱食嘅就出去拎，咁样真系好有特色嘅。唔好以为咁早无咩人呀，其实我地9点左右到都已经人头涌涌嫁啦，再迟少少嘅话真系揾个位都难！
听讲西洋菜系现摘现煮，好似好新鲜咁！我之前最多都系饮过西洋菜鱼汤同西洋菜蜜，从来都未食过真正咁样煮嘅西洋菜，所以无理由唔试吓啦。
西洋菜
26 浏览
0 赞好
0 留言
一碟西洋菜都几大碟！
另外我地仲拎咗咸鱼饭、叉烧包、豆腐花等等
西洋菜、咸鱼饭、叉烧包
12 浏览
0 赞好
0 留言
两个人饮茶，食到咁多款点心都算系咁啦！睇其他人啲comment话觉得啲职员态度好差、嘢食又垃圾、环境又污糟等等，但系我就完全唔系咁谂，职员好有人情味，话就话自助式，但系其实有咩问佢地，或者有咩要佢地帮手都会帮。至于嘢食方面，其实我觉得呢啲点心仲好食过出面酒楼𠮶啲，如果系要将端记茶楼同鼎泰丰呢啲等级比嘅话，咁就实系会比下去嘅。环境方面，唔会话超级十分干净，但都未至于污糟㖞，大致卫生，唔会有太多蚊虫，尘又唔多咁，反而空气清新，远离尘嚣咁啰。唯一谂到嘅缺点就系价钱少贵，但都系可接受范围。
如果你自问系想回归简朴，想感受原始风味同人情味嘅话，不妨嚟呢度一试啦！
张贴
