太爺雞 (已結業)

相传太爷鸡以烟熏炮制豉油鸡，先以豉油浸熟鸡只，再用茶叶同糖烟熏，鸡肉非常入味，又皮香肉嫩。 白切鸡豉油鸡就食得多，打正旗号嘅太爷鸡从未试过，偶然得知太爷鸡喺观塘开咗分店，工厦楼上舖免茶免加一，菜式价钱又好实惠，小试牛刀睇吓将来可唔可以带父母开饭。食店似一般地舖传统饭店格局，有烧味部挂上几只太爷鸡。白板上写上海鲜菜式，墙上亦挂上招牌菜式，餐牌图文并茂，点菜容易。侍应推介小食太爷猪手，猪手切得细细旧，肥膏不多，冻食充满胶质，肉质爽口，带有微微麻辣味。太爷鸡一如想像中的味道，鸡肉非常入味，皮香肉滑，伴上白饭同食最佳。 另侍应推介20头鲍鱼海参扣鹅掌，定价128尚算合理。鲍鱼𪪼牙软硬适中，炆得入味又鲜美，下次可以带父母品尝。海参炆得比较谂身，如果爽口一点口感会更佳。鹅掌带有微微胶质，口感爽口弹牙，如果再炆耐一点就更佳。梅菜扣肉比一般略瘦，肉质依然保持软嫩滑溜，肥而不腻，带有胶质。梅菜吸收五花腩的油分，香浓可口。蒜蓉炒豆苗猛火热油兜炒以保持豆苗翠绿，湿润嫩滑而充满蒜香味。食店以传统方式炮制食材，份量亦颇大，适合喜欢传统中菜的食客。