Samsen 泰麵

营业中

休息中

人气长期高企嘅泰国餐厅，上次朋友带我嚟食过觉得几好食。 今次一个人晚市时段再去试吓。晚市时段18:00开始， 但17:30左右已有人开始排队。 餐厅装饰布置简朴，整洁企理，环境虽会比较嘈，但显得更有街边档地道味道。今次安排坐bar 枱位 ， 看一下只得一张纸的menu , 叫咗碗上次没有食过嘅《招牌泰式猪肉浓汤粉》。侍应上餐速度之快，就一杯水都未饮完， 碗粉已经放到面前。汤底看得出熬相当浓郁，加上泰国香料香叶味道，味道确实唔错，一碗地道得来会比在泰国食到更好嘅味道。 不过，价钱就 ...另外叫咗泰国椰子雪糕做甜品。劲多雪糕放在半个小椰壳上，雪糕上铺满花生，粟米，椰子肉等配料 ，打卡一流。 至于味道，不太清楚椰子雪糕是自家制， 还是买回来 。 椰子雪糕味道清甜， 香滑 ， 但个人觉得椰子味道唔够浓郁。