鳳城酒家 (已結業)

冬至就决定黎依间酒楼食，因为听身边既朋友讲依到既菜式，仲有d菜系要book定先有得食，冇book到架话系冇得食既。我就book左好出名既炸鲜奶同埋连蓉布甸，同埋讲明先，因为佢系例牌，限左咁多人既份量，所以最好多d人去食就最好。首先我就比炸鲜奶同布甸比大家睇，虽然卖相可能唔好睇，但依个真系好好食。炸鲜奶，咬落去好脆口再加上凝固左既鲜奶，就咁听好似好普通，但好食程度系你相象唔到。跟住个布甸，我就觉得好似甜得滞，个人觉得小朋友应该几钟意食。跟住我地都叫左四至五人餐，乳猪双耕盘几好食，但冇乜特别。其他都比大家睇下。虾多士，下面既饼底好脆加埋虾，依个都好好食，我都推介。但可能大家要其他分店到食了，以我所知太子依一间做到年尾就结业了，想试好食既顺德菜，凤城酒家都系一个唔错既选择。