韓宮 (已結業)

朋友好钟意食蟹，所以约朋友嚟食韩国酱油蟹。 呢间餐厅系传统韩国餐厅格局，不少韩国菜式，有烤肉，汤，小食，炸鸡等，总有一款适合。前菜有波菜、泡菜、腌萝卜。主打菜，酱油蟹好好味心无腥味，好入味。我哋一只用嚟捞饭，一只就咁食，蟹膏好多，蟹肉鲜甜，用嚟捞饭一流。平时唔食饭我都想捞食多几碗饭。另外，我地有叫「韩烧猪肉」set A 包括有
烤五花腩Pork Belly，烤猪颈肉Sliced Pork Neck 同 辣酱烤五花腩Pork Belly with Chili Sauce。烧到脆卜卜，好味道，烧肉配菜都好好味；五花肉充满惊喜，肉香十足，啲肥膏烧过之后会比较爽口，咬落去爆汁但唔会觉得肥腻，烧到四面金黄点少少辣酱包入生菜度真系人间极品韩式炒粉丝，份量不少，2-3个人吃绝对足够，调味刚好，入味又不咸，粉丝口感Q弹，也不会黏在一起。