高麗軒韓國料理 (已結業)

高丽轩韩国料理喺尖沙咀已经好一段时间，放工经过嘅时候见到好抵食，决定去食一食。原本𠮶餐二百几蚊可以食到咁多款肉已经好抵，原来加$38仲可以食埋加拿大prime雪花牛同埋A3雪花牛，仲有帆立贝同带子呢啲，都好抵加。加拿大Prime雪花牛真系好唔错，肥瘦均匀，油脂分布都几靓，烧落去阵阵牛油香味，基本上食呢一只肉已经抵返晒。特级牛颈脊相对地会冇咁肥，而且比较有咬口，钟意食牛颈脊嘅都唔应该错过。带子每一只都好大只肥美，有少少蒜头喺上面，烧落去好快就熟，食落去烟烟韧韧都几好味。熟食方面，都几推荐佢呢只招牌牛肋骨汤，汤汁都几入味，牛肋骨好大嚿，萝卜都好香甜。烧银鳕鱼好大旧，好香脆，点上沙律酱，阵阵鱼油香，都几推荐。