蛇王二 (已結業)

天气咁冻，特登买蛇羮同糯米饭俾阿爸阿妈食，知佢哋话够补身蛇王二喺铜锣湾都好出名，做咗好多年绝对系老字号。门口大大个牌挂住腊味糯米饭，相信店家对佢哋嘅糯米饭非常有信心。一早已经打算买埋蛇羹所以当然就叫套餐啦！外卖拎到俾阿爸阿妈食仲热辣辣，蛇羹入面有好多蛇肉，而且唔算韧。咸度和稀杰度亦都适中，妈咪话好足料，食到舐舐脷。腊味糯米饭真系毫不吝啬有一条腊肠同一条膶肠，糯米饭嘅软硬度亦刚刚好，加上葱花同埋花生粒超正，阿爸食得好开心。$110一个餐，蛇羹同糯米饭都唔算大碗，但质素高，屋企人家食得开心，个身同个身够暖就乜都抵返晒。