影片
更多
2021-04-25
717 浏览
见呢排做野辛苦，豪豪地去左揾间omakase食下，今次就拣左鮨金！Omakase dinner 黎讲，由$980 到 $1680不等，咁就一叫就叫左最贵个个餐，刺身有成10款咁多仲有寿司同和食！由于食左太多款刺身寿司，咁就拣几款介绍返🤩象拔蚌咁切都系第一次见，师傅话咁切真系无咩人咁做，但会鲜味啲，的确地个味真系浓缩啲，几特别！龙虾刺身喺omakase 真系相对少食，好爽口，点少少豉油调一调个味好正！呢个石垣䲞配海胆同toro真系几好食，本身海胆同toro呢个组合已经系无得输，但无谂过用左石垣䲞更加左个口感同加左啲酱汁后会令成件事锦上添花左😳生熟萤光鱿鱼，春季当造，生萤光鱿鱼劲鲜味，我觉得都唔使咩特别调味都好好味，而熟既萤光鱿鱼加左啲醋面豉酱，酸酸地都几惹味！呢个吞拿鱼下巴都真系要介绍下，平时我食omakase ，对啲烧鱼既熟食都不太感兴趣，但呢个系几惊喜！烧得外脆但入面几juicy劲滑，而且劲多肉，好味到估佢唔到！针鱼呢个造型劲靓，针鱼本身味相对淡，但师傅用左紫菜夹住啲针鱼真系第一次见，再用上啲酸汁咁上菜，劲好心思！海胆杯既份量多到好夸张，完全同不吝啬咁俾，好够满足！寿司方面不得不讲呢
食下，今次就拣左鮨金！
Omakase dinner 黎讲，由$980 到 $1680不等，咁就一叫就叫左最贵个个餐，刺身有成10款咁多仲有寿司同和食！
由于食左太多款刺身寿司，咁就拣几款介绍返🤩
象拔蚌咁切都系第一次见，师傅话咁切真系无咩人咁做，但会鲜味啲，的确地个味真系浓缩啲，几特别！
龙虾刺身喺omakase 真系相对少食，好爽口，点少少豉油调一调个味好正！
呢个石垣䲞配海胆同toro真系几好食，本身海胆同toro呢个组合已经系无得输，但无谂过用左石垣䲞更加左个口感同加左啲酱汁后会令成件事锦上添花左😳
生熟萤光鱿鱼，春季当造，生萤光鱿鱼劲鲜味，我觉得都唔使咩特别调味都好好味，而熟既萤光鱿鱼加左啲醋面豉酱，酸酸地都几惹味！
呢个吞拿鱼下巴都真系要介绍下，平时我食omakase ，对啲烧鱼既熟食都不太感兴趣，但呢个系几惊喜！烧得外脆但入面几juicy劲滑，而且劲多肉，好味到估佢唔到！
针鱼呢个造型劲靓，针鱼本身味相对淡，但师傅用左紫菜夹住啲针鱼真系第一次见，再用上啲酸汁咁上菜，劲好心思！
海胆杯既份量多到好夸张，完全同不吝啬咁俾，好够满足！
寿司方面不得不讲呢个牡丹虾加烧虾膏，牡丹虾加虾膏其实唔系啲咩新嘅菜式，但系点解呢个咁特别系因为师傅将虾膏烧到啱啱好，虾本身既爽甜，加埋热辣辣烧过既虾膏，烧过之后将虾膏好似浓缩左十倍咁，呢个真系好正！
最后个卷物都好惊喜，外层上既唔系一般既紫菜，而系昆布纸，比紫菜再浓郁少少，再加返海量toro、少少赤身同黄瓜，免头再加上三文鱼子，真系无谂过最后嘅卷物竟然系会咁细致同好食！
总括黎讲，我觉得呢度嘅师傅嘅风格系比较上做返啲心机野，唔会话系搞到好复杂好多调味咁，反而更食到海鲜既鲜味，咁好似又真系食刺身寿司既原味道！
张贴
