金記冰室 (康怡廣場北座)

营业中

休息中

自己一个人食午餐 ,最好就梗系去茶餐厅食个饭啦。 见到金记冰室新开,仲日日都咁长龙。今日有时间就去试下。装修好有特色,加咗啲以前怀旧冰室既元素, 但系就俾旧式冰室光猛干净企理好多。午市套餐 大概都系六七十蚊一个。喺太古城啲嚟讲就唔算贵喇。 除咗一般炒粉面 ,焗饭 ,仲有沙律,海南鸡,西餐,扒餐,贯彻港室冰室既作风。咩都有得食。就算午餐唔啱食, 主餐牌都有好多选择。 价钱都差唔多,不过就系少左杯嘢饮。我自己就叫咗个金记 薄烧牛柳配炒饭沙律 $75沙律好新鲜,啲菜食落去索索声, 番茄亦都有甜味。薄烧牛柳 首先个份量都几多,起码我食晒啲饭都仲有牛柳未食完。 牛柳都做到唔硬 ,七成熟,咬开入面仲有少少粉红色,唔会过熟。衬埋佢哋个烧汁,好惹味。$75 既牛有咁嘅质素,唔错。绝对唔系出面拿到冇晒味嘅牛肉。今天天气冻，见到佢有蛋白杏仁茶，就+$18叫返杯嚟补补身。都有唔少蛋白,而杏仁茶都几香,最紧要唔会太甜,唔系就咁攞杏仁粉开,饮落真系有杏仁味嘅杏仁茶。太古城嚟讲,价钱唔算贵但系质素有番咁上下,唔怪得之日都咁多人排队啦。