影片
更多
2021-06-16
1209 浏览
马鞍山被谑称为「美食沙漠」，其实区内几个商场食店不少，只不过大部分系集团连锁店，欠缺特色啫。今晚假期后第一日唔想屋企煮，行过商场见到金记冰室，即管试试佢同一般茶餐厅有冇分别。去到今晚都几多人，需要排左大概10分钟先入到。店员都OK Nice，入到去好光猛同干净，系加分既👍🏿今晚收工好肚饿，两个人叫左几多野下，呢度好先进，手机扫下QR Code 自助落单，劲快唔驶等又唔会有人催。招牌菜之一：鲜茄浓汁焗猪扒饭；猪扒系果d 传统整法略嫌松肉粉较多，个炒饭底好食，整体味道同份量都几好，如果可以再多d 芝士同汁就Perfect！铁板美式什扒：见隔离阿姨叫左大大份我地又叫来试下，沙丹猪扒有少少㶶边几好食，个牛扒都唔错，性价比高，系d 薯菜有少少颓。椒盐猪扒：唔知点解今晚系咁叫猪扒，不过呢个菜味道唔错，一家大细叫𩠌食饭既话呢个都真心推介。沙姜鸡（例牌）：呢个唔记得单独影张相，可以睇返上面今晚个全餐相。虽然佢俾左份脾我地，不过比起佢餐牌，六十几蚊来讲份量真系差左d，味道OK。罗宋汤好足料，不过味道有d 假。奶茶都冲得唔错，个杯设计好靓。白雪公主，即系云尼拿雪糕加七喜，纯粹贪得意试下。整体来讲，d 野食
去到今晚都几多人，需要排左大概10分钟先入到。店员都OK Nice，入到去好光猛同干净，系加分既👍🏿
今晚收工好肚饿，两个人叫左几多野下，呢度好先进，手机扫下QR Code 自助落单，劲快唔驶等又唔会有人催。
招牌菜之一：鲜茄浓汁焗猪扒饭；猪扒系果d 传统整法略嫌松肉粉较多，个炒饭底好食，整体味道同份量都几好，如果可以再多d 芝士同汁就Perfect！
铁板美式什扒：见隔离阿姨叫左大大份我地又叫来试下，沙丹猪扒有少少㶶边几好食，个牛扒都唔错，性价比高，系d 薯菜有少少颓。
椒盐猪扒：唔知点解今晚系咁叫猪扒，不过呢个菜味道唔错，一家大细叫𩠌食饭既话呢个都真心推介。
沙姜鸡（例牌）：呢个唔记得单独影张相，可以睇返上面今晚个全餐相。虽然佢俾左份脾我地，不过比起佢餐牌，六十几蚊来讲份量真系差左d，味道OK。
罗宋汤好足料，不过味道有d 假。
奶茶都冲得唔错，个杯设计好靓。
白雪公主，即系云尼拿雪糕加七喜，纯粹贪得意试下。
整体来讲，d 野食都系旧酒新瓶，重新包装，如佢slogan 话斋系「传统风味，新派演绎」。起码店面光鲜，食具都有d 设计，摆枱整齐，喺马鞍山大商场入面，味道OK对得住价位，都算食得过。
张贴
