仁利餅家

营业中

休息中

踩单车喺大埔墟联和墟食晏，食完晏之后今日嘅目标就系嚟呢度买中式唐饼。本身上年已经想试佢个柴火月饼，但系实在太懒最后都系冇买到。今次专程踩单车嚟，先试下佢啲饼食如何。可能食咗嘢，购买嘅意欲唔系好大，又惊快啲嘢系单车头会撞碎晒，所以都系净系买咗香蕉糕同埋皮蛋酥。店主婆婆好友善，除咗入盒之外仲加用个胶袋扎到实一实先比我挂喺单车上边，返到去屋企一啲都冇散到，个香蕉糕都好软熟食得出系新鲜整嘅。个皮蛋酥都好有层次，莲蓉唔会太甜皮薄馅多真系唔错。同埋下次要试埋佢个忌廉宾，同出边真系买少见少。同埋问佢几时有得夹订月饼，佢话随时订都得，又唔使俾订金到时候先至攞货，呢间店真系好有人情味。今年真系唔可以太懒，要早啲嚟买月饼。