太平館餐廳

营业中

休息中

百年老店当然唔洗我帮手做宣传，系我lee d 街客怕冇位就真，当日早上订12:30的枱，佢哋安排咗个有间隔嘅卡位俾我哋，正！今日继续低碳饮食，叫咗咸牛脷、罗宋汤、周打鱼汤、瑞士鸡翼、干炒牛河、啫喱。用咗啲quota去食两啖暖笠笠嘅餐包，真系要一上枱就食，之后放咗一阵再食已经开始硬。咸牛脷非常腍，配菜简单，贴地窝心的一道菜。炒河配余均益辣椒酱，河粉冇碎唔太油，小朋友食咗大半碟👍 瑞士鸡翼胀卜卜，有焦香味，expectedly good. 周打鱼汤比想像中咸香，配餐包啱啱好，最后嘅鲜绿色啫喱加花奶系儿时回忆嘅重点，在昏黄灯光及木装潢中像绿宝石。staff 上菜速度颇快，同我哋倾有讲，餐厅到一点已经座无虚席，很高兴见到老店能够有活力地承传落去。