金鳳大餐廳

营业中

休息中

今日同朋友嚟咗屯门呢一间金凤食饭，细细个屋企人就带我去呢啲传统嘅扒房食，每一次嚟到都觉得充满回忆，仲好记得铁板热辣辣，每一次去到都会好开心！今日就决定去寻找一下回忆！✔️罗宋汤，餐厅罗宋汤以甜菜做主料，再加入马铃薯，红萝卜、菠菜丝同埋牛肉块、佢既味道酸中带甜同鲜滑爽口，而且由于有好多唔同嘅蔬菜，所以口感上非常丰富，而且味道非常浓郁，非常好食！食得出细个嘅味道！！！再加埋佢热辣辣嘅餐包，点上本身嘅牛油，作为前菜，暖笠笠非常好！✔️美国顶级德州西冷，西冷系牛既腰脊部分，西冷肉质比较有弹性，而且呢一个部位嘅肉味最浓，可以试到牛扒本身嘅原味，亦都系吸引到好多人钟意食西冷嘅嘅原因！西冷嘅份量好大块，加埋餐厅嘅蒜蓉黑椒汁，炸一声！西冷同黑椒汁嘅味道非常夹，薯菜方便嘅份量都唔少，索入黑椒汁，辣辣地几好食，牛扒嘅质素都几高，唔会有好韧嘅情况，一分钱一分货！✔️荷兰猪扒餐，猪扒嘅肉质都非常鲜嫩，我哋同一样都系拣咗黑椒汁，味道上都系几夹嘅，猪扒味道不但香甜，而且肉质松软，而且非常厚身！啱晒钟意食肉嘅朋友！咬落去亦都juicy, 餐厅系控制火候，方便都做得几好！最后饮埋冻柠茶同埋冻奶茶，非常满足，餐厅员工整体上非