影片
更多
2025-01-03
121 浏览
元朗有唔少面铺，但系要揾到一间好食嘅真系好难。最近朋友介绍咗依间位于安宁路嘅好到底水饺云吞面，入口旁就系小厨房可以睇到师父煮面。牛腩云吞面，牛腩煮得非常软腍，好香口，而云吞每粒都胀卜卜，咬落去已经见到大大粒嘅鲜虾。而啲面好有韧道，唔会太硬又唔会太软，原来系佢地自己整架，完全冇碱水味。水饺云吞捞面，水饺入面系鲜虾同木耳，而捞面一啲都唔干，配上蚝油后更加惹味，而且仲好贴心咁送上一碗汤，清甜美味。炸鲮鱼球，估唔到咁大粒，外皮炸得焦脆，鱼肉鲜甜，居然仲有配上蚬蚧酱添，咸香十足。炸云吞，金金黄黄，就算系炸云吞入面嘅馅料都冇偷鸡，一样系用到鲜虾，好扎实。叫咗冻柠茶同柠乐，可乐系玻璃樽装而唔系罐装，爽呀。生面、生云吞水饺可以买走，最后买咗一打生云吞，$45，打算系屋企打边炉/煮面食。餐厅侍应非常友善好客，而且用料用心，睇得出店舖系用个心黎为客人提供愉快嘅用餐经验，值得再去！
牛腩云吞面，牛腩煮得非常软腍，好香口，而云吞每粒都胀卜卜，咬落去已经见到大大粒嘅鲜虾。而啲面好有韧道，唔会太硬又唔会太软，原来系佢地自己整架，完全冇碱水味。
水饺云吞捞面，水饺入面系鲜虾同木耳，而捞面一啲都唔干，配上蚝油后更加惹味，而且仲好贴心咁送上一碗汤，清甜美味。
炸鲮鱼球，估唔到咁大粒，外皮炸得焦脆，鱼肉鲜甜，居然仲有配上蚬蚧酱添，咸香十足。
炸云吞，金金黄黄，就算系炸云吞入面嘅馅料都冇偷鸡，一样系用到鲜虾，好扎实。
叫咗冻柠茶同柠乐，可乐系玻璃樽装而唔系罐装，爽呀。
生面、生云吞水饺可以买走，最后买咗一打生云吞，$45，打算系屋企打边炉/煮面食。
餐厅侍应非常友善好客，而且用料用心，睇得出店舖系用个心黎为客人提供愉快嘅用餐经验，值得再去！
张贴
