金萬年酒家 (已結業)

趁着端午节约咗屋企人一齐饮茶，酒楼嘅地点其实都算方便嘅，不过如果唔熟悉黄埔嘅人出咗地铁站行过去，可能要花少少时间揾一揾，但系酒楼环境都可以，基本上就系比较传统嘅酒楼感觉。因为今次挂住倾偈，所以都冇话特登每样点心都影低佢，只系纯粹想分享吓，佢哋点心方面其实都算多选择，同埋都有啲点心系比较传统嘅款式，每样点心平均水准都唔错，加上价钱亦都唔贵，所以都觉得几抵食，可能唯一嘅问题就系人手不足，所以有阵时招呼方面会比较仓猝啲，但系都好理解嘅。呢间酒楼都应该会返嚟食。