秋意 (成業工業大廈)

营业中

休息中

终于食到传说中嘅「世一豉油鸡」，呢间餐厅系位于观塘嘅工厂大厦。虽然位置比较隐蔽，但系食物质素超级高质，值得慕名而来！嚟到呢一间餐厅，我叫咗佢半只豉油鸡！一上到枱个卖相已经超级靓仔，鸡皮嘅油光好有光泽，见到已经流晒口水，而且佢嘅豉油味道调得啱啱好啱，唔会太咸，亦都唔会太甜！肉质方面保持到弹牙口感嘅质素，而且好嫩。唔怪得知俾人形容为系世一豉油鸡，果然名不虚传😍另外晚市仲有其他嘅菜式，我就试埋佢嘅酸菜鱼，都唔错㖞！佢嘅酸菜调味得好开胃，加埋里面有好多配菜仲有宽粉，嘅口感就比起一般嘅酸菜鱼就有咬口～ 整体质素都唔错，不过我都系觉得豉油鸡好食啲😙钟意食豉油鸡嘅，大家千祈唔好错过呢间餐厅啦😌重点记得要食晒佢啲鸡皮因为真系好好味！